Lutakast um grundstykki í Hamrabøi í Kollafirði

Nú ber til at tekna seg til lutakast um fýra grundstykki í Hamrabøi í Kollafirði, ið eru latin inn aftur til Tórshavnar kommunu.

Talan er um grundstykki í útstykking frá 2017, sum eru 5-600 fermetrar til støddar og kosta 245.000 - 265.000 krónur. Stykkini eru ikki útgrivin og planeraði.

Verða fleiri grundstykki í útstykkingini latin inn aftur til kommununa seinni, verða tey eisini við í lutakastinum, skrivar kommunan.

Freistin at tekna seg til lutakastið er 21. oktober.