Maður álopin: Fýra persónar skuldsettir

Sunnumorgunin fekk løgreglan eina fráboðan um eitt harðskapsmál. 

Talan var um ein mann, sum varð blivin álopin av fleiri øðrum. Løgreglan er enn í ferð við at kanna málið, og eru fýra persónar skuldsettir higartil, upplýsir vaktleiðarin á politistøðini.

Hvussu álvarsaman skaða, maðurin fekk, veit vaktleiðarin ikki at siga. Hann hevur fingið onkrar snuddir, men hann skal til nærri kanningar.

Í morgun fekk løgreglan eisini eina aðra fráboðan um harðskap, og tað málið skal eisini kannast nærri.