Innanlands

Malan og Finngerð heiðraðar fyri drúgva og trúðfasta tænastu

Malan Thomsen og Finngerð Danielsen fingu fríggjadagin "fortjenestemedalju" frá HKH Drotning Margrethu

Mynd: Klaksvíkar kommuna

Mynd: Klaksvíkar kommuna

2019-06-24 17:53 Author image
Ari av Rana
placeholder

Í sambandi við, at Malan Thomsen og Finngerð Danielsen fríggjadagin fingu "fortjenestemedalju" frá HKH Drotning Margrethu, varð skipað fyri móttøku í býráðshøllini í Klaksvík.

Malan Thomsen, klinikkassistentur og Finngerð Danielsen, klinikkassistentur vóru fríggjadagin heiðraðar við kongaligari fortjenstmedalju fyri síni 40 ár í Barnatannrøktini

Fitt av fólki var komið saman til móttøkuna fyri Maluni og Finngerð, tá ið hátíðarløta var fyri teimum í býráðshøllini. Jógvan Skorheim, borgarstjóri helt røðu fyri Maluni og Finngerð og handaði hann teimum kongaligu fortjenstmedaljuna í silvur.

Borgarstjórin nýtti høvið at ynskja Maluni og Finngerð hjartaliga til lukku við starvsdøgunum og takkaði teimum fyri teirra lut í stóra og góða arbeiðnum á Barnatannrøktini, sum er komið fleiri ættarliðum av klaksvíkingum til góðar, skrivar kommunan á heimasíðunu.

Eisini helt Unn Jakobsen, leiðari á Barnatannrøktini røðu fyri Maluni og Finngerð. Unn hevði nógv gott at bera, eitt nú í mun til teirra trúfesti, dugna, blídni og arbeiðsemi.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder