Mentan

Málráðstevna á Diversity Week

Endamálið við ráðstevnuni er at geva luttakarunum íblástur og vitan innan málnámsfrøði og vaksnamannaundirvísing

2018-09-26 11:50 Author image
Alda Nielsdóttir
placeholder

Í døgunum 1.-5. oktober skipar Tórshavnar kommuna fyri Diversity week. Endamálið við Diversity week er at varpa ljós á mentanarliga fjølbroytni í býnum og styrkja millummentanarliga huglagi millum fólk, skrivar Tórshavnar Kommuna á heimasíðu sína.

Í hesum døgum verður nógv ymiskt á skránni.

Á skránni 3. oktober er m.a. málráðstevna um námsfrøðilig amboð og tilvitan innan vaksnamannaundirvísing í føroyuskum sum fremmandamál.

Endamálið við ráðstevnuni er at geva luttakarunum íblástur og vitan innan málnámsfrøði og vaksnamannaundirvísing. Ítøkiliga er málið at varpa ljós á tørvin á at menna undirvísingina í Føroyskum sum fremmandamál til vaksin, ið eru fleirmælt.

Skráin fyri ráðstevnuna sær soleiðis út:

9:15 Vælkomin

9:30 Karolina Matras – námslektari á Fróðskaparsetrinum og føroyskur limur í Alfa Ráðnum

Hugleiðingar um undirvísing í føroyskum sum fremmandamál fyri tilkomnar útlendingar

10:00 Janne Aggerholm – deildarstjóri, CLAVIS málskúli í Helsingør

Gerandisdagurin og námsfrøðiligar mannagongdir á CLAVIS

(Hverdagen og den pædagogiske praksis på CLAVIS)

11:15 Kaffisteðgur

11:30 Søren Cardel Lindskrog – undirvísari á KVUC og lærubóksrithøvundur

Frálærufrøði og háttalag. Amboð til frálæru av fleirmæltum vaksnum

(Didaktik og metode. Redskaber i undervisning af voksne tosprogede)

12:45 Matarsteðgur

13:30 Birgit Henriksen – professari við Universiteti í Keypmannahavn

Sambandið millum málnámsfrøðiliga vitan og frálæruhættir

(Sammenhængen mellem sprogpædagogisk viden og undervisnings praksis)

14:45 Kaffisteðgur

15:00 Pallborðskjak – Jón Brian Hvidtfelt er orðstýrari.

Annika Olsen, borgarstjóri í Tórshavnar kommunu, Hanna Jensen, forkvinna í mentanarnevnd Føroya løgtings, og Rigmor Dam, landsstýriskvinna í mentamálum kjakast um:

Hvussu tryggja vit eina dygdargóða undirvísing í føroyskum, sum fremmandamál til tilflytarar okkara?

16:00 Takk fyri í dag.

Framløgurnar og pallborðskjakið verður á føroyskum og donskum.

Málráðstevnan er ókeypis og fyri øll, tó er umráðandi at boða frá luttøku.

Skráin fyri Alla vikuna sæst her.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder