Sverri Egholm
Ein vika har níggju ymiskar matstovur bjóða gestunum eina serstaka matskrá til ein sera góðan kostnað.
- Hetta verður av fleiri mett sum eitt upplagt høvi at royna ymsar matstovur, og sum ein góð orsøk at fara út til ein betri bita, har øll kunnu vera við, sigur Sonja Johannesen, samskipari av Matstovudøgunum.
Matstovudagarnir verða tó longu skotnir í gongd hósdagin 30. januar kl. 12, tá bíleggingarskipanin á matstovudagar.fo til tær ymsu matstovurnar letur upp.
- Í ár fellur Valentin dagurin, sum er fríggjadagin 14. februar, við Matstovudøgunum, og síggja vit, at hetta er ein dagur, sum fleiri og fleiri taka til sín og nýta sum eitt gott høvi at bjóða makanum út til ein betri bita, greiðir Sonja frá.
Sonja leggur afturat, at tað ber til at síggja allar matskráirnar á heimasíðuni, og eru ivamál við eini bílegging, so er bara at venda sær til tí ávísu matstovuna, ein hevur bílagt frá.
Vinarliga broyt tínar kennifíla - og privatlívsstillingar fyri at síggja hetta innihald