Meiriluti fyri at broyta starvsheitini

Uppskotini hjá Elsebeth Mercedis Gunnleygsdóttur, Johan Dahl, Jóhannis Joensen, og Bjørt Samuelsen, um starvsheiti hjá ting- og landsstýrisfólki vórðu í dag samtykt við 2. viðgerð í tinginum.

Uppskotini um broyting í stýrisskipanini og tingskipanini vórðu samtykt við ávikavíst 26 atkvøðum fyri og sjey ímóti, og 27 fyri og seks ímóti.

Hetta merkir, at kvinnur, sum sita í løgtinginum og landsstýrinum nú eisini kunnu verða kallað løgtingskvinna, landsstýriskvinna, eins og ein kvinnuligur stjórnarleiðari kann verða kallað løgkvinna.

Mikudagin verður 3. viðgerð av málunum.