Michelin: Gevast at promovera matstovur í Moskva

Viðurkenda Guide Michelin hevur valt at gevast við øllum virksemi, sum er knýtt at Russlandi. Orsøkin er russiska innrásin í Ukraina.

– Vit hava tikið avgerð um ikki at promovera Moskva sum ferðamál, varð upplýst í fráboðan fríggjadagin sambært Ritzau.

Lagt verður afturat, at kunning um matstovur í russiska høvuðsstaðnum sostatt ikki verður dagførd í ár. Michelin fer heldur ikki at kunngera tilfar um russiskar matstovur á sosialu miðlunum, heimasíðu ella app teirra.