Miðflokkaveljarar mest nøgdir við samgonguna

Veljararnir hjá Miðflokkinum eru teir, sum eru mest nøgdir við nýggju samgonguna.

Í veljarakanningini, sum Spyr.fo gjørdi fyri Portalin fríggjadagin, vórðu veljararnir bidnir um at meta um: ”Hvussu heldur tú sum heild nýggja samgongan hevur klárað seg higartil?”. Svarmøguleikarnir vóru fimm, úr 1 fyri ”sera illa” til 5 fyri ”sera væl”.

Allir flokkarnir í sitandi samgongu fáa ”yvir miðal” í umdømi frá sínum veljarum.

Mest nøgdir eru veljararnir hjá Miðflokkinum, sum geva samgonguni 4,1 í miðal, fólkafloksveljararnir geva samgonguni 4,0 og sambandsveljararnir 3,9.

Størstu ónøgd finna vit millum teir veljarar, sum valdu Tjóðveldi. Teir geva bert samgonguni 1,9 í miðal.

500 veljarar vórðu spurdir í kanningini, sum varð gjørd seinnapartin fríggjadagin 15. november.