Mirjam takkar fyri hjálpina

Hjálparfelagsskapurin Mirjam fegnast um hjálpina, sum tey fingu frá føroyskum skótum í 2024, so at tey kundu byggja ein skúla í bygdini Henry James Village í Liberia.

Í einum almennum takkarskivi greiða tey frá, at tey fingu eina umbøn frá bygdafólkinum í Henry James Village. Har vóru 70 børn, sum ikki gingu í skúla. Bygdin er so fjarskotin, at tey yngru børnini ikki sluppu í skúla fyrr enn tey vóru 10-11 ára gomul.

So var tað, at felagsskapurin fekk 80.000 krónur frá føroysku Skótahjálpini, og henda hjálp hevur nú veruliga gjørt mun í fjarskotnu bygdini.

Kvinnur og menn í bygdini fóru til verka at fáa tilfar til skúlan. Bygdin liggur í regnskóginum; so mennirnir høgga timbur og kvinnurnar bera tað heim.

- Vit skulu so keypa bøkur, skúlaborð, stólar, talvur o.a. Vit takka tykkum fyri tykkara stuðul til børnini í Liberia, sum eru sloppin í skúla, tí tit hava valt at stuðla børnum og skúlanum. Tit vita neyvan, hvussu stóran týdning hetta hevur fyri tað einstaka barnið, skrivar felagsskapurin.

Í november fóru Hilda og Kriste Viderø frá felagsskapinum til Liberia har skúlin varð vígdur 15. november.

Sí Facebookvangan hjá Miriam, har fleiri myndir eru.

Herundir ein filmur um skúlaverkætlanina