Missiónsvikan á Strondum byrjar sunnukvøldið

Í komandi viku skipar Missiónshúsið á Strondum fyri missiónsviku.

Byrjað verður longu sunnudagin 21. februar við familjumøti, og endað verður sunnukvøldið 28. februar.

Nógv ymiskt er á skránni, eitt nú familjumøti, juniormøti, føstugudstænasta, morgunkaffi, ungdómsmøti og gudstænasta umframt tey meira vanligu møtini.

Frá hósdegnum verða møtini eisini stroymd beinleiðis á facebooksíðuni hjá missiónshúsinum.

Skráin fyri missiónsvikuna sæst á heimasíðuni hjá Sjóvar kommunu.