Innanlands

Mist aliútgerð til ampa fyri skip og bátar

Fyrradagin kom ein útróðrarbátur fram á eina alislangu í Vágahavinum – Slangan var uml. 100 metrar og kundi verið til stóran ampa, men hon er nú tikin upp

Mynd: Vørn

Mynd: Vørn

2021-01-15 12:35 Author image
Alda Nielsdóttir
placeholder

Á middegi fyrradagin boðaði útróðrarbáturin Anru vakthavandi á Fiskiveiðieftirlitinum frá, at teir vóru komnir fram á eina alislangu í Vágahavinum, einar 6 fjóðringar úr Koltri.

Teir á Anru settu eina AIS boyu á, so rekin var lættur at finna. Boð vórðu givin til Tjaldrið um, at fara eftir rekandi alislanguni, arbeiðið gekk væl, og var Tjaldrið aftur á Havnini um nátturðatíð.

Alislangan var umleið 100 metrar, og kundi verði til stóran ampa fyri skip og bátar, skrivar Vørn.

Manningin á Tjaldrinum hevur nú leverað rekan til Tórshavnar Havn, og er hann nú koyrdur til KOB á Hjalla.

placeholder
placeholder