2021-08-26 16:42
Um hálvgun tíggju tíðina fyrrapartin fekk løgreglan eina fráboðan um, at ein bilur var farin av vegnum omanfyri Porkeri.
Sambært vakthavandi á løgreglustøðini í Havn vísti tað seg tíbetur ikki at hava so nógv uppá seg. Tað var ein førari, sum hevði mist tamarhaldið á bilinum.
Viðkomandi hevði eitt sindur ilt í vinstru øksl, men sambært teimum upplýsingunum, sum vakthavandi á løgreglustøðini hevur, var hetta ikki nakað álvarsligt.
Sjúkrabilur var sum vant sendur á staðið.
Vinarliga broyt tínar kennifíla - og privatlívsstillingar fyri at síggja hetta innihald