Motorsúkkla rendi á bil sum bakkaði

Tvey fólk vórðu flutt á Landssjúkrahúsið í gjár, tá ein motorsúkkla og ein bilur stoyttu saman á Velbastaðvegnum.

Hetta var um hálvgun fimm tíðina í gjár.

Ein bilur bakkaði út á Velbastaðvegin, og beint tá kom ein motorsúkkla koyrandi, sum rendi á bilin. Tvey fólk vóru á motorsúkkluni, og løgreglan sigur, at tey fingu reist seg aftaná samanstoytin.

Kortini vórðu tey flutt á Landssjúkrahúsið til kanningar.

Á Hálsinum í Sandavági var ein bilførari í gjárkvøldið tikin fyri at koyra 114 km/t um tíman. Tað gevur klipp í koyrikortið.

Ein annar bilførari fær eisini klipp í koyrkortið. Tað fær hann fyri at joyra oman eftir Niels Finsensgøtu frá Auto oman í Steinatún. Har er bara loyvt at koyra niðaneftir, og tí fær bilførarin eitt klipp.