Myndir: Eldur í framsýningarhølum hjá Bilrøkt

Tíðliga seinnapartin var útrykningur í Havn. Samstundis sum ein eldsbruni var undir Fjalli, fekk løgreglan fráboðan um enn ein eld í høvuðsstaðnum.

Tað var í nýggja bygninginum hjá Bilrøkt við kirkjugarðin á Velbastaðvegnum, sum verður brúktur sum framsýningarhøli.

Møguliga kyknaði eldurin í einum bili, men tað er enn óvist. Tjúkkur roykur stóð úr bygninginum hesa løtuna.

Sløkkiliðið var skjótt á staðnum, og fekk sløkt eldin.

Sum skilst verður yoga gjørt á ovastu hædd í bygninginum og øll fólkini vóru fingin út.