Myndir: Lív í á Hjalla 4 aftur

HTH, Kvik og Eikin lótu í gjár upp á Hjalla. Upplatingin varð skotin í gongd seinnapartin í gjár, og nógv fólk komu at skoða nýggju handlarnar, sum nú eru savnaðir undir einum taki.

Handlarnir hava innrættað seg í hølunum, har 360 á Hjalla helt til fyri nøkrum árum síðani.

Talan er um madrassudeildina hjá Eikini, sum undanfarin ár hevur verið í gomlu politistøðini í Jonas Broncksgøtu. Kvik hevur verið á Argjum meðan HTH hevur hildið til á Óðinshædd.

Sí myndir frá seinnapartinum í gjár.