Í løtuni er tilmæli so, at tey sum eru koppsett fyri koronu tríggjar ferðir, ikki skulu í sóttarhald hóast tey hava verið nærkontakt hjá smittaðum persóni.
Talið av teimum, sum hava fingið trý prik í Føroyum er 19.814, og tað er beint omanfyri 49 prosent av teimum, ið eru yvir 18 ár.
Harvið fer talan skjótt at verða um meira enn helmingin av vaksnu íbúgvunum - í gjár, mánadagin 24.01, fingu 209 fólk triðja prikið.
Frá fyrsta februar skal eingin ið er koppsettur tvær ferðir ella meira í sóttarhald. 90 prosent av íbúgvunum yvir tólv ár, 40.803 fólk, hava fingið tvær koronukoppsetingar. Hetta vísur dagførda talið á korona.fo.
Beint undir 93 prosent av teimum, sum eru yvir tólv ár - tað eru 41.661 fólk - eru koppsett. Trý fingu fyrsta prikið í gjár.
Vinarliga broyt tínar kennifíla - og privatlívsstillingar fyri at síggja hetta innihald