Næstovastin í russiska herflotanum deyður í álopi

Næstovastin í russiska herflotanum, Mikhail Gudkov, er deyður í einum ukrainskum álopi í Kursk. Tað skrivar ukrainski miðilin NV.

Tað varð fyrst kunnað um álopið á eini hernaðarkanal á miðlinum Telegram, og er seinni váttað av tíðindastovuni Tass.

Næstovastin hjá herflotanum var staddur við eitt eftirlitsstað, tá hann varð raktur.

Sambært ukrainskum miðlum lótu eisini tíggju onnur hernaðarfólk lív í álopinum.

Gudnov varð útnevndur næstovasti í russiska flotanum í mars mánaði. Áðrenn tað var hann leiðari fyri 155. Brigadu Russlands.

Sambært Ukrainska Pravda hevur henda brigadan ábyrgdina av at fleiri ukrainskir krígsfangar eru tiknir av døgum.