Náttarvaktur á Hafnia álopin

Í nátt var løgreglan biðin um at koma á Hotel Hafnia. Ein maður var sovnaður í móttøkuni, og tá náttarvakturin vakti mannin, gjørdist hann illur. 

Vakthavandi á løgreglustøðini greiðir frá, at maðurin leyp á náttarvaktin og sló eftir honum. Og løgreglan varð biðin um at koma náttarvaktinum til hjálpar. 

Men tá løgreglan kom á gistingarhúsið var maðurin rýmdur. Vakthavandi greiðir frá, at maðurin ikki var gestur á hotellinum og at løgreglan ikki kennir samleikan hjá manninum. Men hon sigur, at hendingin varð upptikin av vakmyndatóli, og at maðurin tí helst verður funnin.