Nógv ung fólk sum komu illa fyri

Jólaborðhaldini eru byrjaði, og kvøldið í gjár var eitt við nógvum av slíkum tiltøkum. Nógv fólk var í býnum í nátt, men løgreglan sigur í morgun, at ikki nógv var at gera hjá teimum.

Nakað av fullum ungum, umleið 19-20 ár, máttu hava hjálp tí tey høvdu fingið dekan ov nógv niður um.

Nógv fólk var til jólaborðhald við Tjarnir í nátt, men har hevði løgreglan einki at seta fingurin á.

Um trý tíðina varð ein bilur steðgaður í høvuðsstaðarøkinum. Tá bilførarin var biðin um at blása í alkometrið, vísti tað meira enn tað loyvda. Hann verður skuldsettur fyri rúsdrekkakoyring.

í tveimum førum hava fólk fingið bót á skilhaldsreglurnar. Eina fólkið rætti politinum longutong, og í einum øðrum føri fekk eitt fólk bót fyri skumpan. Tað kostaði teimum 1500 krónur í part.