Norðlýsið 110 ár í dag

Lokala blaðið í Norðoyggjum hátíðarheldur í dag 110 ára stovningardag.

Tað var tann 16. apríl í 1915 at Norðlýsið kom út fyri fyrstu ferð, og hetta var fyrsta lokalblað í Føroyum.

Fyrsti blaðstjóri á Norðlýsinum var Símun Petur Zachariassen.

Jóhann Lützen eigur í dag Norðlýsið einsamallur. Hann yvirtók í 2017 blaðið saman við feðgunum Palla og Jóannes Skorheim frá Oliver og Elsu Joensen.

Í fjør vórðu feðgarnir keyptir út, og Jóhann Lützen gjørdist einsamallur eigari.

Umframt blað hevur Norðlýsið í dag eina vælvitjaða heimasíðu og hevur eisini ymiskt virksemi innan útvarp.

Stovningardagurin verður hátíðarhildin á Stoksoyravegi 3, har blaðið heldur til. Opið hús er til klokkan 17 í dag, og okkurt gott er at fáa.