Norðoya Sparikassi gjørt smáar tillagingar eftir vitjan av Fíggjareftirlinum

Norðoya Sparikassi hevði í november vitjan av Fíggjareftirlitinum. Endamálið var at gjøgnumganga øll týðandi váðaøkir í sparikassanum, undi hesum politikkir, mannagongdir og stakroyndir av útlánum.

Í sambandi við gjøgnumgongdina av útlánum staðfesti Fíggjareftirlitið, at tað var ikki tørvur á meiri niðurskrivingum.

Sparikassin fekk boð um at tillaga leiðreglur fyri compliance- og váðastýring við at útgreina ársætlan og raðfesting av uppgávum.

Solvenstørvurin skuldi økjast við 0,1 prosentstigi, og hesum hevur sparikassin longu lagt upp fyri í roknskapinum fyri 3. ársfjórðing í 2022.

Sparikassin tekur frágreiðingina til eftirtektar og ger neyðugar tillagingar, sigur Marner Mortensen, stjóri í Norðoya Sparikassa.