Norðoyingar fáa nýggjan bjargingarbát í dag

Norðoyar Bjargingarfelag kemur í dag á Klaksvík við nýggjum bjargingabáti úr Noregi, sum er bygdur í 1986.

Menn frá bjargingarfelagnum eru á veg til Føroya við bátinum, og vóru í gjár í Hetlandi, og vitjaðu bjargingarfelagið í Lerwick.

Bjargingarfelagið skrivar, at nýggi báturin væntandi kemur á Klaksvík klokkan 12.

- Øll eru vælkomin at síggja bátin, fáa sær ein kaffimunn og okkurt søtt afturvið, sigur Norðoya Bjargingarfelag.

Nýggi Ziska er gamli Skomvær III og er 19,61 metrar til longdar og 5,70 metrar breiður.