Norrøna aftur í sigling

Norrøna, sum fór í dokk í Lindø í Danmark síðst í desember mánað, er nú farin í sigling aftur.

Leygardag seinnapart fór hon úr Hirtshals, og klokkan 6.15 í morgun kom hon á Havnina.

Á heysti í fjør boðaði Smyril Line frá, at felagið fór at umleggja vetrarsiglingina hjá Norrønu í ár. Hetta inniber, at tað ikki verður siglt til Íslands á hávetri, og verður sostatt bert siglt millum Havnina og Hirtshals fram til 20. mars. Síðan 22. november hevur ikki verið siglt til Seyðisfjarðar.

Norrøna fer aftur til Hirtshals hóskvøldið klokkan 20.