Norrøna sum kavabátur

Meðan summi skeldast um nógva kavan í dag, eru onnur, sum stuttleika sær við honum.

Starvsfólkini á skrivsstovuni hjá Smyril Line fingu eitt heldur øðrvísi hugskot í dag, og fóru út at byggja kavamann. Men ístaðin fyri at byggja ein heilt vanligan kavamann, valdu tey at royna sín listarligu evni.

Úrslitið var at tey bygdu Norrøna burturúr kava. Starvsfólkini dugdu væl, tí at “Norrøna” hevði bæði heitar pottar, tyrlupall og bjargingarbátar.