Norrønu feløgini heita staðiliga á stjórnirnar um styrkja samstarvið millum Norðurlond

Feløgini eru sannførd um, at geopolitiski ótryggleikin hevur neiliga ávirkan á fólkið í Norðurlondum, sum í dag tykist merkt av hesum og ynskir at finna saman við javnlíkum, til tess at standa í móti ótryggleikanum.

Flestu av Norrønu feløgunum vórðu stovnað beint eftir 1. verðaldarbardaga og hava líka síðani arbeitt við at samansjóða norðbúgvar. Politiskt hevur tað «norðurlendska» vunnið sóma í londunum soleiðis, at vit í dag hava felags virðisgrundarlag at byggja á.

Hóast politikarar tosa jaligt um norðurlendskt samstarv, so er tað tíverri ein sannroynd, at norðurlendskt samstarv er víkjandi og fyllir als ikki so nógv millum politikarar í dag, og er tí markant minni í vavi enn um aldarmótið.

Greinin vísir á fleiri politikkøki, har Norðurlond kunnu samstarva nógv betri og tættari. Eitt styrkt samstarv ger, at Norðurlond kunnu virka sum ein valdsfaktorur í okkara øki og ikki enda sum ein kaffiklubbur.

Undirskrivað greinina hava: Hrannar Arnasson, Ísland, Torbjørn Nystrøm, Føroyar, Pyri Niemi, Svøríki, Lars Barfod, Danmark, og Maiken Poulsen Englund, Åland.