Nú byrja heilsustimbrandi venjingarnar fyri eldri aftur

Nú byrjar fyribyrgjandi og heilsustimbrandi ergoterapi aftur í FIMI. Næsta skeiðið byrjar 5. mars. Tilboðið er til teir borgarar, sum eru 67 ár ella eldri og borgari í Tórshavnar Kommunu.

Fyribyrgjandi ergoterapi samantvinnar kropsligu, sálarligu, sosialu og fatanarligu førleikarnar. Vant verður týsdag og hósdag fyrrapart í 10 vikur í FIMI í Gundadali.
 
Endamálið við fyribyrgjandi ergoterapi er at stuðla undir og fremja góða heilsu, at økja kropskensluna, at økja lívsgóðskuna, at lætta um gerandisdagin, og at viðlíkahalda sosialu førleikarnar, skrivar Tórshavnar kommuna.