Nú er bert 0,5% munur á kynunum

Munurin á arbeiðsloysinum millum kynini er minkaður nógv. Hjá mannfólki er arbeiðsloysið 1,0% og hjá konufólki 1,5%, vísa nýggjastu tølini hjá Hagstovu Føroya.

Tá arbeiðsloysið av álvara fór at minka eftir fíggjarkreppuna, minkaði tað nógv skjótari hjá monnum enn hjá kvinnum, men síðstu tvey-trý árini hevur munurin verið so at siga óbroyttur – tó so, at síðani desembur 2017 er arbeiðsloysið hjá kvinnum minkað úr 2,7 niður í 1,5%, meðan tað hjá monnum er minkað hjá monnum úr 1,7 niður í 1,0%.

Arbeiðsloysi minst hjá teim yngstu og teim í miðjum aldri
Minsta arbeiðsloysið við hjá teimum í ardursbólkinum 45-54 ára gomlu við 0,9% og síðan hjá teimum yngstu 16-24 ár gomlu við 1,0%. Hægst er tað hjá teim 25-34 ára gomlu við 1,7%. Serliga stórur er munurin millum kynini júst í hesum aldursbólkinum, har tað er meira enn dupult so stórt hjá kvinnum sum hjá monnum. Ein lutfalsliga stórur partur av hesum eru skrásett sum arbeiðsleys eftir forsorgarlógini, tvs. ikki í ALS men í Almannaverkinum.