Innanlands

Nú kanst tú síggja íbúgvaratalið í Vestmanna heilt aftur til 1801

Vestmanna Kommuna hevur nú lagt gomul íbúgvaratøl í Vestmanna út á heimasíðuna. Talið er ikki serliga nógv broytt síðani 80'ini

Vestmanna (Savnsmynd: Jens Kr. Vang)

Vestmanna (Savnsmynd: Jens Kr. Vang)

2019-03-26 17:38 Author image
Ari av Rana

Vestmanna Kommuna hevur nú lagt gomul íbúgvaratøl í Vestmanna út á heimasíðuna.

Tølini hevur Sverri Egholm savnað saman frá álmanakkum, ársfrágreiðingum og aðrarstaðni. Nýggjastu íbúgvaratølini stava frá Hagtovu Føroya.

Vestmanna kommuna skrivar, at tølini eru sera áhugaverd. M.a. sæst, at í 1949 var íbúgvaratalið 1.051. Hetta var fyrstu ferð, at talið fór upp um 1.000, og tað hevur ongantíð síðani verið undir 1.000.

Í 1801 vóru 126 íbúgvar í Vestmanna og 22 húski. Hetta svarar til, at uml. 6 persónar vóru í hvørjum húski.

Í dag eru uml. 1.250 íbúgvar og eini 460 húski, sum svarar til knappar 3 persónar í hvørjum húski.

Hygg eftir talvuni við at trýsta her.

placeholder
placeholder