Nýbygt áttamannafar til Hoyvíkar

Seinastu dagarnar hevur eitt snøgt spildurnýtt áttamannafar ligið í bátahylinum í Skopun.

Talan er um ein nýggjan føroyskan bát, sum bátabyggjarin heima á Sandi, Jóan Petur Clementsen, hevur smíðað til Petur Sivertsen í Hoyvík.

Arbeiðið hevur tikið nakrar mánaðir, og í vikuni kundi træbáturin flytast til Skopunar, har hann varð flotaður í øllum góðum.

Eigarin av áttamannafarinum við navninum Greipan, ætlar at sigla bátin yvir um Skopunarfjørð og um Kirkjubønes í dag, og gongur sum ætlað, verður Greipan á Hoyvík um 13-tíðina frættist úr skopun.

Báturin hevur ein 42 HK motor, og gongur væl.

Myndir: Sniálvur Røvilsberg