Nýgera Skálaveg í Vági

Nú er gongd sett á at nýgera niðara part av Skálavegnum. Í ovaru síðu av vegnum verður kantur stoyptur og nýtt frárensl frá vegnum lagt. Eisini verða nýggj lyktapelar settir upp við LED-ljósum. Og síðani verður vegurin asfalteraður.

Í samband við arbeiði á Skálavegi verður eisini farið undir at gera innkomuna til nýggju vegatkomuna til býlingini í Brekkubø.

Gongst sum æltað, so verður arbeiðið við at nýgera Skálavegin liðugt í mai mánað.

Meðan arbeitt verður við at nýgera vegin fer ferðslan helst at verða órógvað nakað.