Nýggja rundkoyringin smílir til tín

Í dag varð rundkoyringin við vegamótið Heygsvegin/Landavegin/Íslandsvegin tikin í nýtslu. Rundkoyringin, ið leingi hevur verið ávegis, fer vónandi at lætta um tungu ferðsluna á vegastrekkinum.

Rundkoyringin líkist ikki øðrum rundkoyringum í kommununi. Hendan skínur sum ein sól og er eitt stórt smíl. Hetta fer vónandi at hava við sær, at hon sæst væl í myrkri umframt at fáa fólk at smílast.

Umsitingin ásannar, at vegarbeiðið hevur verið drúgt og ikki frítt fyri ampa hjá ferðandi og fólki í grannalagnum. Men við hesari dagføringini av vegastrekkinum verður vónandi friður í rúma tíð, skrivar kommunan.

Jákup Dam, formaður í Teknisku nevnd, helt røðu í sambandi við, at rundkoyringin varð tikin í nýtslu. Røðan kann lesast her.