Nýggjárshald á Strondum avlýst

Siðvenja er at hava nýggjárshald í bygdahúsinum á Strondum nakað eftir midnátt nýggjársaftan. Men soleiðis verður ikki í ár.

Nýggjárshaldið er, eins og nógv annað, avlýst vegna koronustøðuna í løtuni.

Sjóvar kommuna boðar tó frá á heimasíðuni, at kommunan fer at skjóta fýrverk á midnátt.

– Fýrverkið verður sum vant skotið við bygdahúsið, á vegnum niðanfyri Lítlafløtt. Fólk eru vælkomin út í bygdahúsið at skoða skyggjandi, litføgru ljósini frá fýrverkinum, skrivar kommunan.