Nýggjur og øðrvísi amerikanskur rapptónleikur

Í summar koma rappararnir, sum kalla seg Punching Bag, úr Kalifornia til Syðrugøtu. Talan er um nýggjan bólk, sum longu gevur út á stórum plátufelag, og nú teir eru á veg út í heim, koma teir at framføra á G!

Tónleikurin er spennandi samanrenning av rappi og øðrvísi rokki, sum gevur Punching Bag ein heilt serligan dám, skrivar G! í tíðindaskrivi.

G! verður dagarnar 17. til 19. juli í ár.