Nýggjur stjóri í OY

Tað er skjótt eitt ár síðani at OY læt dyrnar upp á Hálsi í Havn, og gongd er veruliga komin á framleiðsluna.

Stjórin síðani byrjan, Petur Øl, hevur ynskt at koma nærri kundanum, og verður framyvir sølustjóri í havnarbryggjarínum.

Nýggi stjórin í OY eitur Lis Waagstein. Lis er 36 ára gomul, er bankalærd og hevur eisini útbúgving innan fíggjarbúskaparfrøði. Seinastu fimm árini hevur hon rikið handlarnar Sheep, sum hon sjálv eisini átti.

- Við drúgvu royndunum hjá Lis frá vinnulívinum, royndunum hjá Peturi Øl frá ølvinnuni saman við dugnaliga bryggjaranum Alessandro Ersettigh Picinich, gleða vit okkum til spennandi tíðir fyri framman, sigur OY.