Óluva Klettskarð vald til forkvinnu í Mentanarnevndini

Síðani Hanna Jensen gjørdist landsstýriskvinna í skúlamálum hevur tingast verði um, hvør skuldi gerast forfólk í Mentanarnevndini. Tað varð sum skilst gjørd avtala um, at Óluva Klettskarð skuldi gerast forkvinna har, meðan Javnaðarflokkurin skuldi fáa forfólkið í Trivnaðarnevndini.

Men í morgun varð Óluva Klettskarð vald til forkvinnu í Mentanarnevndini, eins og upprunaliga ætlanin var. 

Tí kann roknast við, at Katrin Kallsberg fer frá sum forkvinna í Trivnaðarnevndini í morgin, tá nevndarfundur er har. Javnaðarflokkurin fær tá sessin, men ógreitt er, hvør skal røkja hann. 

Helena Dam á Neystabø hevur áður sagt við Portalin, at tey skuldu hava annan av sessunum. Hvør fór at røkja hann varð avgjørt, tá tey vistu hvørja nevnd talan varð um.