Innanlands

Ov fáar lýsingar steðga Vikublaðnum

Miðlahúsið gevst fyribils at geva út Vikublaðið

2019-01-07 13:14 Author image
Ari av Rana
placeholder

Miðlahúsið hevur valt fyribils at steðga við Vikublaðnum. Orsøkin eru ov fáir lýsarar, sum ger, at taå ber seg ikki at printa blaðið í januar.

- Vit hava valt at steðga tí fyribils. Vit geva eisini Sosialin út mánadag, mikudag og fríggjadag, og vit arbeiða uppá eitt nýtt konsept til mikudagsblaðið, sigur Jonhard Hammer, stjóri í Miðlahúsinum.

Jonhard Hammer sigur, at talið av blaðlýsingum er minkað seinastu árini, og at tað altíð hevur verið serliga fáar lýsingar í januar mánað.

Stjórin í Miðlahúsinum sigur við Kringvarpið, at tann orkan, sum varð løgd í Vikublaðið, ístaðin verður løgd í eitt nú in.fo, so hetta kemur ikki at ávirka starrvsfólkið í húsinum.

At Miðlahúsið steðgar við at geva Vikublaðið út í januar hevur avleiðingar fyri Prentmiðstøðina, sum er dótturfelag hjá Miðlahúsinum og har Jonhard Hammer er nevndarlimur.

- Hetta er ein stórur ordri hjá Prentmiðstøðini at missa hvørja viku, men vit mugu hugsa um raksturin í Miðlahúsinum og vit gera tað, sum vit meta er best fyri blaðið, sigur Jonhard Hammer við Portalin.

Jonhard Hammer sigur við KVF, at hann metir, at tíðin við at lýsa í ókeypis lýsingarbløðum er ein farin tíð. Tað er dýrt at geva út til øll húsarhald í Føroyum. Porto er dýrt, prentingin er dýr, og tað sæst aftur við at bløðini gerast minni og minni.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder