Pallsettur rættarfundur á mentanarnáttini

Fríggjakvøldið verður møguleiki at fara til til eitt heldur forkunnugt tiltak í Føroya Rætti, í samband við at tað er mentanarnátt.

- Føroya Rættur hevur luttikið í mentanarnáttini í Tórshavn seinastu nógvu árini.
Seinnu árini hevur ein framleiddur filmur verið vístur; hesaferð spenna tey seg tó út, og framføra ein pallsettan rættarfund klokkan 19.00.

Hesum boðar Føroya Rættur frá í tíðindaskrivi í dag. Harvið kunnu tey sum vitja royna seg sum dómsfólk. Umframt hetta ber til at síggja almennu hølini í rættinum frá klokkan 18 og  kaffi, te og okkurt søtt undir tonnað verður at fáa.

Pallsetti rættarfundurin byrjar klokkan 19 fríggjakvøldið 2. juni.