2019-04-29 12:42
Ari av Rana
Ari av Rana
Tórshavnar kommuna fer 1. mai 2019 at víðka parkeringsøki og harvið eisini parkeringsloyvisøki til íbúgvar í miðbýnum í Havn, sum hava fingið bræv sendandi við kunning um loyvini.
Parkeringsloyvi verða veitt privatpersónum, sum búgva í parkeringsøkinum og ikki hava møguleika at parkera bil sín á egnum bústaði og ikki hava umstøður at gera parkeringspláss. Eitt loyvi verður veitt til hvønn bústað móti gjaldi.
Allir parkeringsbásar í víðkaða parkeringsøkinum verða tíðaravmarkaðir fyrst í mai 2019, skrivar Tórshavnar kommuna.
Fyrstu 3 vikurnar eru ein tilvenjingartíð, og tá verða áminningarseðlar um tíðaravmarkingina lagdir undir viskararnar, um parkeringin ikki fer fram sambært ferðslulógini. Eftir hetta verða parkeringsgjøld skrivaði.
Meira kunning um parkeringsloyvir og tíðaravmarkingar síggjast á torshavn.fo/parkering eftir 1. mai.
Meira kunning um parkeringsloyvir og tíðaravmarkingar síggjast á torshavn.fo/parkering eftir 1. mai.
Vinarliga broyt tínar kennifíla - og privatlívsstillingar fyri at síggja hetta innihald