Partur av miðaldartorni rapaði

Ein partur av miðaldartorninum Torre dei Conti í Rom er lutvíst rapaður, skrivar Reuters tíðindastovan.

Eitt av arbeiðsfólkunum fekk skaða og er innlagt á sjúkrahús við álvarsligum skaðum, meðan tvey onnur fingu smærri snuddir.

29 metra høga tornið stendur við Via dei Fori Imperiali, sum gongur niðan til Colosseum í Rom.

Tornið hevur ikki verið í brúki síðan 2006, men er undir umvæling í løtuni, sum liður í eini longri umvælingarverkætlan, sum eftir ætlan skuldi vera liðug næsta ár, skrivar dr.dk. Orsaka av umvælingararbeiðinum, hevur økið verið stongt fyri gongufólki.

Sí stutt videobrot her

Tornið Torre dei Conti stendur nærhendis Colosseum í Rom (Mynd: EPA)