Portugal viðurkent Palestina sum stat

Portugal hevur formliga viðurkent Palestina sum stat, boðaði portugisiski uttanríkismálaráðharrin, Paulo Rangel frá sunnudagin sambært Reuters.

– Einasta loysnin, sum kann føra til varandi frið er ein tveystatsloysn (...) tað er umráðandi við einari vápnahvíld, sigur hann.

Rangel leggur afturat, at palestinska Hamas-rørslan ikki kann varðveita valdið í Gazageiranum, og eiga allir gíslarnir í Gaza at verða leyslatnir.

Umframt Portugal boðaðu Stórabretland, Avstralia og Kanada eisini í gjár frá, at tey formliga viðurkenna Palestina sum stat, nakað, sum sambært ísraelska forsætisráðharranum, Benjamin Netanyahu er at geva løn fyri at fremja yvirgang.