Prognosa: Nú stendur andstøðan fyri at fáa meirilutan

Meirilutin á tingi er nú koppaður yvir aftur til andstøðuna í nýggjastu prognosuni, sum byggir á 46 valstøð og 29,5 prosent av atkvøðunum.

Og Framsókn, sum fyri løtu síðani stóð til at fáa fýra tingfólk, er nú reguleraður niður á trý tingfólk, og Sjálvstýrið verður umboða við einum tingfólki.

Og harvið koppar javnvágin á tingi, so at samgongan missir meirilutan.

Fólkaflokkurin stendur til at fáa 8 tingfólk

Javnaðarflokkurin 7

Sambandsflokkurin 6

Tjóðveldi 6

Framsókn 3

Miðflokkurin 1

Sjálvstýri 1

Í samanteljingini er Aksel V. Johannessen (C) toppskorari við 558 atkvøðum, Bárður á Steig Nielsen (B) hevur fingið 454 og Jacob Vestergaard (A) 405

Kristin Michelsen hevur, í løtuni, nógv flestar atkvøður á listanum hjá Sjálvstýri