Putin og Netanyahu umrøddu støðuna í Miðeystri

Russiski forsetin, Vladimir Putin og ísraelski forsætisráðharrin, Benjamin Netanyahu tosaðu í gjár í telefon um støðuna í Miðeystri.

Umframt støðuna í Gaza varð kjarorkuætlanin hjá Iran og støðan í Sýria eisini umrødd.

Russiska uttanríkismálaráðið upplýsir ikki nógv um samrøðuna men sigur, at Putin og Netanyahu "deildu sjónarmið um støðuna í Miðeystri".

Hvat Putin og Netanyahu tosaðu um í mun til Sýria og Iran verður ikki upplýst, men í mun til Gaza snúði samrøðan seg um vápnahvíldina, sum kom í gildi 10. oktober og býtið av fangum og gíslum, sum er partur av avtaluni.

Sambært ísraelskum miðlum kom samrøðan í lag eftir áheitan frá Putin.