Putin til reiðar til nýggjar samráðingar

Russland er til reiðar at fara undir nýggjar samráðingar við Ukraina, sigur russiski forsetin, Vladimir Putin.

Nýggju samráðingarnar kunnu møguliga verða í turkiska býnum Istanbul, har seinastu tvey samráðingarumførðini millum russar og ukrainar hava verið.

Putin sigur, at har var stórur munur á russiska og ukrainska uppskotinum til eina friðaravtalu, men við nýggjum samráðingum kunnu partarnir vónandi nærkast hvørjumøðrum. Eisini sigur hann, at regluligt samskifti framvegis er millum semingsfólk á báðum síðum.

Á seinastu samráðingarfundunum millum partarnar í Istanbul, varð semja gjørd um leyslating av krígsfangum og líkini av deyðum herfólkum, og Russland er til reiðar at lata ukrainum líkini av fleiri herfólkum.