Pylsur frá Rema 1000 afturkallaðar

Tey, sum hava keypt sær pylsur av slagnum Rema 1000 Partypølser vera biðin um at hyggja nærri eftir pakkanum. Vandi er nevniliga fyri, at metalpettir kunnu vera í vøruni.

Tað skrivar Heilsufrøðiliga Starvsstovan.

Tað er Reitan Distribution A/S, sum afturkallar pylsurnar av tí at metalpettini kunnu gera skaða á tenn, munn og svølg.

Talan er um pylsur, sum eru framleiddar 19-12-2018 og sum ganga út 16-01-2019. Nettovektin er 500 g.

Mælt verður til, at fólk lata vøruna inn aftur, har hon er keypt ella beina vøruna burtur.