Ragnar Finsson í Ostahúsinum í kvøld

Í kvøld verður inniligur og sjarmerandi fólkatónleikur við Ragnari Finsson í Ostahúsinum í Tórsgøtu í Havn. 

Ragnar spælir keltiskan fólkatónleik. Sjálvt um Ragnar bara er 23 ár, so hevur hann verið at hoyra á føroyska tónleikapallinum í heilt nógv ár. 

Ragnar og belgiski vinmaðurin, Oscar Beerten, manna bólkin Raske Penge, har teir samantvinna keltinskan og føroyskan tónleik. Ímeðan teir arbeiða upp á fyrstu plátuna, sum kemur út seinni í ár, kunnu vit fáa ein brellbita í kvøld klokkan 21 á KVF og her.