Innanlands

Rankin fekk bingju í trolið

Skipið er á veg inn á Runavík

Mynd: Heini Kallsoy Mouritssen

Mynd: Heini Kallsoy Mouritssen

2018-06-25 13:13 Author image
Ari av Rana

Rankin fekk í nátt eina bingju í trolið, og er nú at veg inn á Runavík. Tað var í nátt, at bingjan setti seg fasta í trolið.

- Bingjan er í spønum. Takið er burtur, afturparturin er burtur og hálvur botnur er burtur, sigur Alvi Hjelm, skipari á Rankanum.

Alvi sigur, at túrurin var næstan komin at enda, so tað órógvaði tíbetur ikki fiskiskapin nakað serligt.

- Hetta hendi í nátt. Nógv alda var, so har var ikki hugsingur um at loysa bingjuna úr trolinum. Tí valdu vit bara at hála trolið inn og bingjan liggur nú á dekkinum, sigur skiparin.

Rankin er nú á veg inn til Runavíkar, har kranabilur veðrur boðsendur at taka bingjuna av skipinum.

Rankin verður á Runavík um 15-tíðina.

placeholder
placeholder