Rendi á eltalvu - og allir lyktapelar sløknaðu

Í nátt beint áðrenn klokkan fýra var eitt ferðsluóhapp við Norðoyatunnilin - Klaksvíksmegin.

Ein bilførari, sum kom koyrandi úr tunlinum misti onkursvegna tamarhaldið á bilinum og rendi á eina eltalvu. Hetta hevði við sær, at allir lyktapelar í Klaksvík sløknaðu.

Eingin fólkaskaði var, men bilurin fekk eitt sindur av skaða.

Tað er ógreitt, hví førarin misti tamarhaldið á bilinum, men hann koyrdi ikki ávirkaður, leggur vaktleiðarin á løgreglustøðini í Havn afturat.