Mentan

Restin av konsertferðini hjá Foo Fighters avlýst

Trummusláarin í bólkinum, Taylor Hawkins varð funnin deyður í farnu viku

Foo Fighters á konsert í Stórabretlandi (Mynd: EPA)

Foo Fighters á konsert í Stórabretlandi (Mynd: EPA)

2022-03-30 18:34 Author image
Alda Nielsdóttir
placeholder

Fríggjadagin í farnu viku varð trummusláarin í ameirkanska rockbólkinum Foo Fighters, Taylor Hawkins, funnin deyður á hotelkamari sínum.

Í kjalarvørrinum á hesum sorgarleikinumnhevur bólkurin avlýst allar komandi konsertirnar á konsertferð teirra.

Eftir ætlan skuldi Foo Fighters annars spæla bæði í USA og Evropa, m.a. skuldu konsertir vera í London og Berlin í juni.

Foo Fighters skuldu eftir ætlan framføra á festivalinum Estéreo Picnic í kolumbiska høvuðsstaðnum Bogotá fríggjakvøldið.

Taylor Hawkins var 50 ára gamal, tá hann doyði. Kanningar hava víst, at m.a. marijuana og heilivágur móti tunglyndi og angist vóru í kroppinum á honum.

Náttina til mánadagin verða ársins Grammy virðislønir handaðar, og Foo Fighters eru tilnevndir til fleiri virðislønir. Tað er tó ikki greitt, um bólkurin fer at luttaka á hesum tiltakinum, skrivar Ritzau.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder