Roknast kann við seinkingum komandi dagarnar

Smyril siglir í løtuni við niðursetari ferð orsakað av breki á einum av høvuðsmotorunum, og tí kann roknast við seinkingum á Suðuroyarleiðini komandi dagarnar, sigur Strandferðslan.

Mánadagin verður ferðaætlanin hjá Smyrli fyribils broytt soleiðis at Smyril fer av Krambatanga klokkan seks, av Havnini klokkan 13, og aftur av Krambatanga klokkan 16, og av Havnini aftur klokkan 19.

Bygdaleiðir í Suðuroy koyra í samband við broytingarnar hjá Smyrli.