Royna at bjarga strandaðum stórhvali

Í Íslandi royna tey at halda lív í einum stórhvali, sum fyrrapartin svam seg upp á turt á strondini nærhendis smábátahavnina í Þorlákshöfn.

Bjargingarlið og løgreglan eru komin til hvalin. Helst er talan um ein hvølp ella ein ungan hval, skrivar ruv.is.

Sum skilst er ætlanin at royna at halda honum á lívi, og so royna at fáa hann á flot aftur á flóðini í kvøld.